RSS

Daily Archives: October 23, 2008

Main Kab Bada Banunga? :P

Najaane main kab banunga bada…
Kab apne pairon pe hoonga khada…

Rota hoon, jab sone ko mummy bulaati hey…
Hasta hoon, jab lori sunaake woh sulaati hey…
Darta hoon main jab Dadaji danda dikhaate hey…
Kho jaata hoon main jab Daadi kahani sunaati hey…
Daddy gusse se pukaarte hey mujhe, akal ka kachcha…
Kya karu? Aakhir mein toh hoon, unhi ka bachcha… 😛

Najaane main kab banunga bada…
Kab apne pairon pe hoonga khada…

Main paanchvi kaksha mein padta hoon…
Apne hindi teacher pe main marta hoon… 😉
Main Shalini ke hi aas-paas kahi bait-tha hoon…
Ghar-Ghar ka khel uske saath hi main khelta hoon… :mrgreen:
Master mujhe bench pe khada karwaata hey…
Yoga class mein jab bhi mera aankh lag-jaata hey… 😦

Najaane main kab banunga bada…
Kab apne pairon pe hoonga khada…

Ladta hoon jhagadta hoon, main doston se…
Pyaar aur maar, dono paata hoon unhi logon se…
Muskurata hoon jab woh besharam mujhe bulaate hey…
B’esha’ram mein bhi mujhe padoswali “Esha” ko jo dikhlaate hey… 😆
Kabhi kabhi likta hoon mein aise bakwaas post…
Kyun na likhu, pasand jo karte hey mere jakhas dost… 😀

Najaane main kab banunga bada…
Kab apne pairon pe hoonga khada… 🙂

Advertisements
 
10 Comments

Posted by on October 23, 2008 in I~do~such~things

 

Tags: , , , ,